Pilipino nga ba?

Bayang Magiliw
Perlas ng Silanganan
Alab ng puso
Sa dibdib mo'y buhay...

            Ano na nga susunod? Tanong nang marami sa mga kabataan ngayon tuwing sila'y pinagsusulat ng ating Pambansang Awit.
           Nakakalungkot isipin na andami-dami nating alam na kanta tagalog, ingles, korean at iba pa. 
            Ngunit bakit ang sarili nating Pambansang Awit na Lupang Hinirang ay hindi kabisado ng ilan sa atin lalo na sa mga kabataan ngayon! Ano na ba ang nangyari sa ating henerasyon ngayon? Bakit madaming kabataan ang hindi kabisado ang Lupang Hinirang? Samantalang, simula kinder at elementarya pa lang tayo kinakanta na natin ito.
            Ano na nangyari? Puro hugot na lang ang alam ng ilan sa mga kabataan ngayon.
           Naway pagtuunan natin ng pansin ang mga ganitong sitwasyon, paano mo masasabing Pilipino ka ni sarili nating Pambansang Awit hindi kabisado?

Ang Wika ay Dinamiko

ANG WIKA AY DINAMIKO

 

  Sa pagbabago ng panahon kasabay nito ang mabilisang pagbabago ng ating wika o bokabularyo. Ilan sa mga umusbong dito ay ang "Bekimese" o "Gaylingo" ito ay ang tawag sa salita ng mga Bading.

  

  Sa panahon ngayon hindi lamang mga bakla ang gumagamit ng linguwahing ito kundi pati mga babae at ilan sa mga tunay na lalaki. Nakakatuwa naman kasi talagang gamitin ang mga salitang pambeki kagaya na lang nang salitang "Bayla" na ang ibig sabihan sa ay Bumili, Bumayla na tayeys mga bes!, "Isang kalye" na katumbas sa pera ay Isang daan o One Hundred, "Anetchi" na ang ibig sabihin ay Ano?.

   Sa una'y hindi mo siya maiintindihan pero habang tumatagal masasanay ka rin at maiintindihan mo rin ito. Nahihiwagaan nga ako ngayon kung ano'ng salita ang mawawala, maaalis at mapapalitan ng kahulugan.

  Malayo na talaga ang narating ng ating Wika dahil alam naman natin na ang Wika ay paraan ng pakikipag komunikasyon sa isat-isa, ibat-iba man ang ating Wikang nakagisnan pero ito ang magiging daan tungo sa ating kaunlaran.